Auaunaga o le aoina o lapisi ma fale e fai ai

O ā pusa uga lapisi o maua?

O auaunaga e ao mai ai lapisi i autafa o auala e aofia ai mea nei:

• o se pusa uga lapisi tapuni mūmū 80 lita, 120 lita po o le 240 lita (o lapisi e lafoa’i i nofoaga e lafoa’i ai) o le totogi e fua i le telē o le pusa uga o le lapisi
• o le pusa uga o lapisi tapuni samasama e 240 lita (e ave faatasi ma lapisi e toe fa’aaoga) po o le 120L po o le 360L (toeitiiti oo mai) – o le totogi e fua i luga o le tele o le pusa lapisi
• o le pusa uga tapuni lanumeamata e 240 lita (o mea’ai ma lapisi o togala’au) po o le 120L – o le totogi e fua i le telē o le pusa uga o le lapisi
• o se pusa uga lapisi tapuni violē e 120 lita (na o tioata e toe fa’aaoga) e maua i le 2024 – o le totogi o loo faatali se’i faamautu mai

O le faasoa fetuunai o lapisi i le fale ma i totonu o pusa uga sa’o o lapisi i autafa o le auala e tāua ina ia mautinoa ai le aogā o nofoaga o auaunaga e aoina mai lapisi i autafa o auala ma le puleaina o le toe fa’aaogaina.

Faamolemole vala’au le Auaunaga a Tagata i le 03 5832 9700 pe afai ua misi lau pusa uga o lapisi po ua leaga ina ia faatulaga ai se pusa uga lapisi e avatu fua e sui ai, po o se isi lava faafesili atonu o i ai e faatatau i auaunaga ao lapisi.

O afea e sasa’a ai la’u pusa uga o le lapisi?

A fia iloa po o afea e aoina ai lau pusa uga o le lapisi i lou aiga asiasi ane i le matou upega tafa’ilagi e faapea ona e tusia ai lou tuatusi ma iloa ai. 

O ā mea e alu i totonu a o ā ituaiga pusa uga lapisi e alu i ai?

O le pusa uga lapisi tapuni mūmū (lapisi lafoa’i)

O ā mea e MAFAI ona tuuina i totonu o la’u pusa lapisi tapuni mūmū?

• Lapisi masani o le fale
• Taga pepa ‘i’ila
• Pepa ‘i’ila vaivai
• Momi malō manutinuti/momi
• Napekini
• Ipu inu malamalama ta’ei po o tioata ta’ei o faamalama

O ā mea E LĒ MAFAI ona tuuina i totonu o la’u pusa lapisi tapuni mūmū?

• Lapisi o mea e ola i le eletise
• Lefulefu vevela po o vai vevela
• Vaila’au ‘o’ona
• Mea mamafa lapopo’a
• Maa taavale
• Mea e mafai ona toe fa’aaoga (fagu mata’eta’e ma fagu tioata, pepa, ‘apa alamini, ma isi mea)
• Mea e mafai ona pala (vao o moagāvao, lapisi o fuala’u fai mea’ai, vao, laula’au ma isi)

O lapisi uma i totonu o lau ‘pusa lapisi tapuni mūmū e ave i le Cosgrove Landfill. E tāua le toe fa’aaoga o mea e tele e mafai ai i totonu o isi pusa lapisi ina ia faaitiitia ai lapisi e ave i nofoaga e lafoa’i ai.

Mo nisi faamatalaga asiasi ane i le: greatershepparton.com.au/how-do-i-dispose-of

Pusa lapisi tapuni samasama (ave faatasi ma lapisi e toe fa’aaoga)

O ā mea e MAFAI ona tuu i la’u pusa lapisi tapuni samasama?

• Fagu mata’eta’e ma fagu tioata (seia oo i le taimi e taunuu mai ai pusa lapisi tapuni violē)
• Pepa susu ma pepa vaiinu (pepa malō o vai)
• U’amea ma apa alumini
• Nusipepa, tusiata, pepa i soo se ituaiga ma pusa pepa
• Apa uga

O ā mea e MAFAI ona tuuina i la’u pusa lapisi tapuni samasama?

• Taga pepa ‘i’ila
• Lefulefu vevela po o vai vevela
• Mea e mafai ona pala (vao o moagāvao, lapisi o fuala’u fai mea’ai, vao, laula’au ma isi)
• Uga malō pa’epa’e manutinuti
• Maa taavale
• Suau’u taavale
• Lapisi u’amea malō ma alamini
• Lavalava ma meata’alo tuai
• Mea e fa’aaoga ai le uila (TV, vaega o masini e ola i le eletise ma isi.)
• Ipu inu malamalama ta’ei po o tioata ta’ei o faamalama

O lapisi uma mai lau pusa lapisi tapuni samasama ua faavasegaina ma toe vili i ni mea faitino fou.

Mo nisi faamatalaga asiasi ane i le: greatershepparton.com.au/how-do-i-dispose-of

Pusa lapisi tapuni lanumeamata

O ā mea e MAFAI ona tuu i totonu o la’u pusa lapisi lanumeamata?

• Fuala’au ‘aina ma lapisi o fuala’u fai mea’ai
• Lapisi o tino manu fasi & ponaivi
• I’a & mea’ai sami (e aofia ai atigi figota)
• Mea’ai mai ‘a’ano manufasi
• Pepa lautī & penu kofe
• Pepa solosolo & pepa solo lima
• Laulu
• Moagā vao
• Fasi la’au tatipi mai la’au (e aofia ai vao ma tipigā lālā rosa)
• Fasi la’au ma lālā i lalo o le 100mm le lautele
• Taga lanu violē e pala e tufaina atu e le Council

O ā mea E LĒ MAFAI ona tuuina i totonu o la’u psa lapisi tapuni lanumeamata?

• Lapisi faotaga
• Taga pepa ‘i’ila
• Lapisi togala’au i taga pepa ’i’ila
• Momi malō manutinuti/momi
• Lapisi o togala’au (ipu uga e totō ai la’au ma faaga’au)
• Pepa, pusa pepa ma uga
• Tioata ma u’amea
• Mea faufale (simā, piliki, tama’i fasi simā faatafafā e ato ai pe fola ai fale)
• Palapala ma ma’a
• Napekini

O lapisi uma mai lau pusa lapisi tapuni lanumeamata e alu i se nofoaga lotoifale e faagasolo ai le faamalū e totō ai la’au, i tua atu o Shepparton. E liliu le lapisi e avea ma palapala e totō ai la’au e faapea ona toe tuuina atu i le eleele e faifaatoaga faalotoifale po o i latou faitogāla’au.

Mo nisi faamatalaga asiasi ane i le: greatershepparton.com.au/how-do-i-dispose-of

Ofisa Tutotonu e Aoina mai ma Toe Fa’aaoga

O Resource Recovery Centres (e la’u i ai ma sasa’a ai) e faataga ai tagata o aiga e aveese lapisi a aiga ma mea e toe fa’aaoga e faapea ona lē mafai ona alu i totonu o a latou pusa lapisi. Afai e tetelē au uta o lapisi togala’au, simā ma piliki e mafai ona e lafoa’ia ae totogi se tau i le Resource Recovery Centre.

Nofoaga:

• Shepparton Resource Recovery Centre
  125 Wanganui Road, Shepparton
  Tatala i Aso Gafua e oo i Aso Toonai - 8.00am - 4.15pm
  Aso Sa/Aso malolo o le mamalu lautele - 9.00am - 4.15pm
• Ardmona Resource Recovery Centre
  770 Turnbull Road, Ardmona
  Tatala i Aso Lua, Aso Tofi ma Aso Toonai - 8.00am - 4.15pm
  Aso Sa/Aso Malolo mo le Mamalu Lautele - 9.00am - 4.15pm
  Afiafi o le aso 24 e sosoo ma le aso Kirisimasi - 9.00am - 2.45pm
• Murchison Resource Recovery Centre
  15 Cassidy Rd, Murchison
  Tatala i Aso Lulu ma aoauli o Aso Sa mai le 1:00pm - 3.45pm

Mo nisi faamatalaga asiasi ane i le: greatershepparton.com.au/resource-recovery-centres

Aso e Tapunia ai:

Council's Resource Recovery Centres e tapunia i Aso Kerisimasi, Aso Malolo e Soso’o ai ma le Kirisimasi, Aso Tausaga Fou, Anzac Day ma Aso Faraile o Aso Maliu.